世貿會議落幕，除咗前日灣仔有多少不愉快，成個會頭尾七日可算大話夾好彩，煲呔、肥龍、鬍鬚曾、D姐、楊立門以至李少光都可以鬆一口氣，最還得神落者梗係一哥李明逵。
平情而論，香港警察係一支文明之師，全世界好罕有，但大概太文明，又慣咗香港人斯文，面對勇悍嘅南韓示威者，警察哥哥姐姐有少少驚惶失措，所以今次對警隊係一次好好經驗，唔好介意人哋批評，錯則改之。
例如公關形象可以再好啲。唔知係咪擔心示人以弱，怕影響前線人員士氣，出嚟面對鏡頭嘅警隊高層都刻意擺出強硬姿態，惡死有餘風度不足。喂大家做騷搶民意，冇理由輸畀韓國農民啩，一哥你話啱唔啱呢？
傳真︰2623-9278
電郵︰[email protected]