呢個星期三，係考泛民二十五位尊貴議員定力有幾高嘅關鍵時刻，煲呔同肥龍一定會乞票乞到投票一分鐘，盡全力要鬆開泛民嘅綑綁，拉番六票過嚟，通過方案。
當然到今日都冇人覺得佢兩位難兄難弟會有咁嘅本事，除非周一有突變，有時間表提出啦！不過，泛民都係唔敢掉以輕心，所以繼上周五喺立法會門前誓師，號召大家周三去燭光晚會之外，重趕印緊一張名為「十問十答」嘅單張，用簡淺嘅方式，解釋點解要反對政府嘅方案，到時如果有需要，可以再開記者會，總之就唔畀佢停，費事畀煲呔同民建聯攞晒啲電視時段。
傳真︰2623-9278
電郵︰[email protected]