憑《阿旺新傳》人氣勁升的湯盈盈，昨日衣錦還鄉，聯同阿旺郭晉安等到鄉下順德工作。當湯盈盈和安仔出席商場簽名會時，超過五百名鄉里前來捧場，二人離去之際鄉里更熱情到一窩蜂衝上前，嚇得湯盈盈花容失色。 順德直擊
在《阿旺新傳》中飾演阿旺的郭晉安、演李笑好的湯盈盈、演阿旺母親的盧宛茵，以及香港先生高鈞賢，昨日結伴到順德天佑城商場出席簽名會。
場面甚混亂
昨日簽名會吸引超過五百名fans到場，大會派出了十多名保安到場維持秩序，又圍上鐵馬，雖然很多市民湧上前拿取簽名時一度引起推撞，但簽名會進行中秩序尚算良好。
只是當安仔和盈盈簽名完畢離去時，數以百計fans竟失控地一窩蜂跟着他們離開，場面極度混亂，見慣大場面的安仔較鎮定，但湯盈盈則被嚇到有點不知所措。
湯盈盈事後說：「估唔到啲人咁熱情！我本身係順德石龍崗人，因為屋企排行第三，所以啲人叫我做三家姐，我一年都會返鄉下一、兩次，原本啲親戚知我返嚟，都話會嚟支持吓，但到𠵱家都見唔到佢哋。」問湯盈盈可有衣錦還鄉的感覺，她即笑道：「都算嘅！」湯盈盈又表示今次酬勞有五位數字，但最重要的是可以跟安仔等人一起到順德工作。
安仔初送花
安仔今次的酬勞亦有六位數字，前日其女友歐倩怡生日，問他有甚麼表示時，安仔說：「我哋同屋企人去咗一間好浪漫嘅餐廳度慶祝，我送咗一打玫瑰畀佢，我識佢咁耐，都係第一次送花畀佢，所以倩怡初時都唔信，以為係餐廳啲人送嘅，我冇時間買禮物，只係埋咗張單。」
採訪、攝影：蔡丹
