大家好！我是薑餅B仔，雖然你每次見到我，我都是光着身子，其實我好鍾意扮靚，今日一班小朋友終於幫我達成願望，你話邊個Look最襯我。
記者：小肥鵝 攝影：傑斯叔叔 鳴謝：東薈城
恆迪 至有份量
金色的披肩，加上綠色絲帶及超誇張的聖誕帽，簡直重量級！
暖笠笠披肩
可能各位小朋友見天氣凍，紛紛做披肩幫我保暖，然後再加點聖誕裝飾，又金又紅又綠，色彩繽紛，外表夠搶眼，我的內心更加暖笠笠！
材料及工具
絲帶、花紙、碎皺紙、棉花、金線、萬能膠、剪刀、雙面膠紙等
點做好？
剪布夠靈活
隨自己的創意，在金色的閃布上剪出不同的形狀！
絲帶夠簡單
用金色絲帶做披肩，簡單又方便，還有點似闊太！
白鬚扮聖誕老人
將薑餅人黐上棉花做白鬚，再加條士的，超有聖誕氣氛！
邊個最靚
聖誕老薑人
將棉花當鬍鬚，手持聖誕禮物，再加埋綠、金蝴蝶結，聖誕老薑出動！
飛天薑餅人
粉紫色的蝴蝶結夠晒Fancy，腳底還有白雲，有點飛上天空的感覺。
薑餅的傳說
在13世紀時，薑被歐洲人視為昂貴的進口香料，他們只會在聖誕節、復活節等節慶時，把薑加入蛋糕及餅乾中，增加風味。久而久之，薑餅便成為聖誕節的點心之一。英國還流傳着，若未婚女子吃下薑餅，即能遇見理想的伴侶。
玩具換新裝
覺得好玩的話，你也可為心愛的玩具設計聖誕新裝，你睇，一樣咁靚！
