名模琦琦和女子組合2R等前晚在中環出席本地設計師張路路新店開幕，琦琦表示對設計也有濃厚興趣，希望有一天會有自己的牛仔褲及晚裝系列。琦琦又指尚差一個月便是女兒的一歲生日，她屆時會請一班女性好友帶她們的BB參加派對慶祝。
名模琦琦、馬詩慧、陳嘉容、楊崢及二人女子組合2R等前晚在中環置地廣場，出席時裝設計師張路路（LuLuCheung）的新店開幕，琦琦表示張路路是她很欣賞的設計師，她說：「LuLu好似不食人間煙火咁，永遠追求藝術，我自己對設計愈嚟愈有興趣，除咗設計鞋之外，我最希望可以有自己嘅牛仔褲同晚裝系列。」
囡囡似兩歲大
與琦琦談女兒經時，她即雀躍地說：「𠵱家買BB衫重開心過買衫畀自己，囡囡前嗰排發燒終於好番，係我今年最大嘅一份聖誕禮物。」琦琦透露囡囡尚差一個月便一歲生日，她說：「我打算請大班女朋友，叫佢哋帶埋自己BB嚟我屋企開派對。囡囡真係大得好快，未夠一歲啲手仔腳仔已經長到好似兩歲BB咁。」
明年出新唱片
2R則大讚張路路設計的晚裝漂亮，2R說：「LuLu一向都有贊助我哋，我哋打算嚟緊嘅頒獎禮都會着佢嘅晚裝。」二人透露新唱片將於明年推出，她們說：「今次我哋有份作曲填詞，希望有一日可以出一張自己全創作嘅唱片啦。」
採訪、攝影：JessicaNgan
