由莫文蔚主演的百老滙歌舞劇《吉屋出租》，原定昨晚在灣仔演藝學院演出，但因昨日南韓農民反世貿遊行愈來愈激烈，令灣仔很多地方封路，故昨晚的演出臨時決定取消，大會負責人Mark昨日在電話中表示，觀眾因封路緣故未能到達會場，故決定取消演出，至於何時重演及有關退票事宜，暫時仍未有定案。
「人又冇車又冇」
莫文蔚昨日接受本報電話訪問時說：「我晏晝喺會場綵排，之後食完晚飯六點幾返到會場，就知道要取消，但我又走唔到，一直等到七點幾先話走得，我從未見過香港係咁樣，人又冇車又冇，我同啲演員一齊行去金鐘，其間一直同司機通電話，但係都唔上得車，𠵱家我哋行緊去中環，都唔知邊度先可以上車。今晚取消真係好可惜，因為今日星期六，好多朋友都係睇呢場，我哥哥都係揀咗今晚，不過冇辦法啦。」
而Krusty昨日在天水圍出席活動時，成員張詠恩表示活動前到灣仔君悅酒店整頭，因世貿會議關係，酒店保安變得相當嚴密，進入前要搜身，保安員用金屬探測器掃過她的胸前時竟發出響聲，原來是她胸圍內的鐵線所致，令她極為尷尬。
此外，黃耀明前晚到九展欣賞楊千嬅音樂會後，與友人到蘭桂坊消夜，被問到今日會否出席反世貿遊行，他說：「未收到通知喎，都唔係二十四小時都示威嘅。」他又指南韓農民跪地示威有創意，並表示因早前隨宣明會到非洲時見到農民的慘況，因此才會出席遊行。
採訪：李珮洳
