有讀者購買分體式冷氣機數天後，發現冷氣機出風不夠凍，經多次檢查，始發現當日負責安裝的師傅錯用不適合的雪種喉，致雪種常漏。
讀者林先生於去年六月購買分體式冷氣機，並自行另聘師傅安裝，用後數天便發現冷氣機出風唔凍。
花費五百 補加雪種
後經其他師傅檢查後，指「雪種唔夠」所致，他遂花費五百元補加雪種。「但其後每用幾個月又係咁，搞到我經常要搵師傅檢查同落雪種，總係解決唔到冷氣唔夠凍呢個問題。」他及後再找其他師傅檢查，終發現負責安裝的師傅錯用較細的雪種喉，致雪種常漏，令冷氣出風唔夠凍。（一二一二一一○）
專家意見：數年入一次雪種
香港理工大學機械工程學系工程師盧覺強表示，一般分體式冷氣機只需數年才入一次雪種，若新購分體式冷氣機用後不足一個月已唔夠凍，很大機會與漏雪種有關，而漏雪種則有幾個可能性。
宜找師傅 檢查零件
「漏雪種同水喉漏水原理一樣，啲雪種走漏咗，咁部冷氣機自然唔夠凍，要由冷氣機師傅搵出問題所在，針對性處理再整過先有用。」
他提醒市民，現時安裝分體式冷氣機的師傅毋須申領牌照，未受監管，故市民應光顧信譽良好的師傅或店舖安裝或檢查冷氣機，免招損失。
冷氣機漏雪種原因
1.安裝時入唔夠雪種
2.駁喉位有空隙
3.部份機件，如蒸發器或冷卻器出現問題
4.錯用不適合的雪種喉
服務熱線
電話：29908288
傳真：23702192
電郵：[email protected]