警方為世貿會議保安問題分身不暇，竟然重要花時間應付政黨，民建聯深水埗支部噚日喺曾鈺成帶領下，聯同區議員張文韜、陳偉明，將千幾個市民支持紀律部隊、感謝警方堅守崗位維持社會秩序嘅簽名交畀警察公共關係科高級警司張德強，同時送上一張巨型心意卡及掛滿市民簽名心意卡嘅聖誕樹，希望張sir轉交其他紀律部隊。
曾鈺成大讚紀律部隊以克制、理性態度控制示威抗議場面，相信香港嘅紀律部隊有能力應付任何情況。民建聯認為紀律部隊表現抵讚，唔知對決定舉辦呢次世貿會議，搞出呢個大頭佛出嚟嘅高官有乜評價呢？
傳真︰2623-9278
電郵︰[email protected]