楊千嬅前晚為出道十周年在九龍灣展貿舉行歌迷聯歡晚會，出席的嘉賓有陳奕迅、杜汶澤、黃耀明、林憶蓮、徐濠縈與黃柏高等，而千嬅的父母亦有到場打氣，全晚高潮是憶蓮以神秘嘉賓身份上台向千嬅獻花，事前千嬅全不知情，當她看到偶像突然出現，興奮得蹲在地上哭了起來，憶蓮見她如此激動，立刻上前擁着千嬅。
「將最好嘅嘢畀佢」
千嬅整晚像個喊包，其中著名填詞人林夕上台時最令千嬅激動，林夕說：「當我聽完千嬅唱《再見二丁目》呢首歌後，我好鍾意，自己就決定要對佢好偏心，將最好嘅嘢畀佢。好多人都知王菲係我大女，千嬅係我細女，但我唔係當佢係女，係當佢係我身體嘅一塊肉，我錫佢嘅程度係連王菲都呷醋，記得有次我同王菲去唱Ｋ，當時我點咗千嬅嘅《愛人》，阿菲聽完話：『點解你寫畀千嬅啲歌詞重好過我』，我真係好關心千嬅，好希望佢快啲嫁得出。」千嬅聽林夕如此說，即時泣不成聲。
