煲呔呢期衝刺搞政改，日日針對孤軍作戰嘅議員出擊。唔知係咪傾得多政改，大家都覺得好悶，所以煲呔同人sellsell吓政改，又不自覺咁講到自己最愛嘅錦鯉身上。
大嚿陳偉業話，日前見煲呔時，煲呔同佢講，屋企最近有兩條錦鯉死咗，相信都係因為氣溫急降，啲魚頂唔順。唔知係咪少咗兩條錦鯉都唔自在，煲呔同李卓人會面時，就已經講到，又買番一條錦鯉，重話條魚頭頂係紅色嘅，講時非常雀躍，展露近來少有嘅「喜」色。
無被邀請嘅卿姐就好㷫，特登叫大嚿幫佢錄咗一段鬧衰煲呔嘅聲帶，當面播畀煲呔聽。大嚿真係做咗，至於煲呔聽完有無火都嚟埋？佢唔肯講喇。
傳真︰2623-9278
電郵︰[email protected]