政改方案下周定生死，肥龍卻潛咗水，日日留守喺政府總部，一心二用，既昅住世貿；又睇住啲民意同票數，盡人事做啦。煲呔顯然比肥龍焦急，日日有新猷，因為佢真係唔想輸呢仗。
八方奇怪肥龍點解咁定檔喺下阿厘畢道指點江山，原來佢老哥喺會議舉行之前，已經做好晒啲準備工作，各部門都好清楚知道如果出現某情況，就要通知邊啲部門，至於啲示威者應該點行，行邊條街，聽講肥龍都瞭如指掌，肥龍唔揸車，照計冇咁熟路，但大家忽然記得佢做過運輸署署長，而且好鍾意喺灣仔蒲，唔怪得啦！肥龍唔出動，煲呔就好識做，親自去「緊急事故交通協調中心」為當值人員打氣。
傳真︰2623-9278
電郵︰[email protected]