呢輪各司局長都忙於表態支持政改，而何志平局長就偷得浮生，去咗港台「發酵的男人」，接受周融同曾智華訪問，大談音樂與愛情，重同歌星陳美玲一齊合唱英民民歌。個節目今晚十點播出，肥平彈吉他比較少見（圖），因為佢以前多數拉小提琴。
聽講肥平成晚只講當年點拉小提琴追女仔，不談政治，咁的確大家會較有興趣知佢點追到胡慧中。
肥平又真係好嘢，前日成棚官湧出嚟簽名表態支持政改，佢都講到幾句，話自己會全力游說地區人士包括區議員積極支持有關方案。反而葉澍堃企咗喺唐唐後面冇聲出，不過，佢後來出席香港中華廠商聯合會晚宴時立即補番，話最重要係向前行，千祈唔好原地踏步，真係政治正確。
傳真︰2623-9278
電郵︰[email protected]