中環嘅置地廣場，除咗有一大批富貴嘅名牌外，噚日重有一個可能係全港最富貴嘅合唱團。乜嘢合唱團咁勁？就係由美資大行摩根士丹利高層組成嘅聖誕合唱團，今次係大摩第三年搞呢個合唱團，目的係籌款，今年就籌咗五十萬，由公司嘅僱員同埋客戶捐出。
今年佢哋就提早咗，喺正午十二點開始表演，而除咗班高層，大摩繼續搵嚟一大班勁可愛嘅小朋友，一齊演繹多首耳熟能詳嘅聖誕歌。不過，始終小朋友拿揑拍子無大人咁準確，有少少蝦碌，不過都OK啦！大摩嘅公關話，所得款項會捐畀唔同慈善機構及團體。
傳真︰2623-9278
電郵︰[email protected]