自稱天際銀屋嘅物業，日前委託代理，刊登獨家出售廣告，招攬買家。不過，廣告冇講盤名，只稱維港臨海，市區三層複式空中花園。蘭西向代理聯豐置業打探，負責人話係新盤，唔係尖沙嘴凱旋門；問佢係咪一號銀海，佢話要問過業主至回答；其他問題就十問九唔答。 查實登得廣告，都係想搵客，預咗人問價查詢，如果真係要咁神秘，何必登廣告呢？