曹敏莉、林峯和劉綽琪前晚到中環出席手表品牌Locman旗艦店開幕禮，獲贈價值三萬多元的手表。該品牌的外籍老闆對眾嘉賓非常熱情，不僅搭着曹敏莉的香肩，後來見到林峯，又着他攬着自己，整晚攬來攬去，場面搞笑。
暫別娛圈
曹敏莉說：「老闆係意大利人，係比較熱情啲。」將暫別娛樂圈的曹敏莉，決定農曆新年後離港，她說：「我同屋企人過埋農曆新年，𢭃埋大利是就走，飛去紐約讀珠寶鑑證，出年九月先返香港。」
另外，林峯主演的劇集《太極》下月開拍，現正勤練南拳，他說：「喺劇入面，我同趙文卓會有好多對打戲，佢一定驚過我，因為佢識就我，但我唔識就佢。」
採訪、攝影：卓寶花、黃文偉