最近經常語出驚人的李彩華，前晚出席派對時自爆曾與安雅到天體沙灘裸曬兼拍照，香豔程度媲美現場的比堅尼模特兒。她又謂不敢給母親看這些相，反而希望將來給子孫看看。
時裝品牌MissSixty前晚在中環舉行聖誕派對和二○○六年春裝展，Rosemary和陳嘉容等模特兒均穿上性感比堅尼和春裝行天橋，李彩華（Rain）、吳雨霏（Kary）和黃婉君（Rosanne）均有出席。
Kary出碟有壓力
身形日趨纖瘦的Rain身穿低胸裝亮相，她表示敢效法模特兒穿比堅尼行騷，又謂曾到天體沙灘裸曬，她說：「我試過同安雅去外國嘅天體沙灘曬太陽，大家重影晒相，平時我沖涼或者浸泡泡浴時都會影吓相嘅。啲相我全部收喺保險箱，冇畀人睇，怕尷尬，或者第時畀我啲孫睇囉。」
而穿上露背裝的Kary最初表示自己真空上陣，及後才知道弄錯真空的意思，她說：「我以為露背脊，冇露bra帶就係真空，咁我唔算係喇。」Kary表示快將出新碟，增添不少壓力，幸好經理人黃柏高不時開解她，她說：「因為Stephy同側田出碟成績都好好，所以我都有壓力，有時瞓唔到。」
Rosanne棄陳冠希
另外，Rosanne表示最近已沒跟緋聞男友陳冠希聯絡，她說：「我冇見過佢，雜誌影完鍾意點寫就點寫。」問到擇偶條件時，Rosanne更即時跟吸煙的陳冠希劃清界線，她說：「我唔會限住揀圈中人或者圈外人拍拖，唔好食煙，有愛心同愛我就得喇。」
採訪：卓美娟 攝影：何國豪
