地產代理趁呢排樓市靜，善用時間做吓其他嘢，好似進修增值、參加公益活動同埋籌備出年嘅周年晚宴表演。中原地產明年一月二十三日舉行周年晚宴，聽講，擔任九龍區滙演總指揮嘅歐偉倫，已經招募到超過三十個同事參加表演。歐偉倫話今年會揀啲節奏輕快嘅樂曲做主題音樂。 唔講唔知，原來九龍區過去三年嘅周年晚宴，都攞到冠軍，認真威水。咁睇嚟歐生壓力都幾大。