俗語話:人多好辦事,原來人多連吃飯也着數多多,除了可叫多幾味,最近還有酒家推出優惠,若集齊12人,可以$8享用原價$238、重2斤的大海石斑!若然儲不夠12人,只有7個人也可以$8食一隻片皮鴨,超抵!
記者:黃潔蓮
攝影:楊錦文
Model:Tommy、Thy、Nick、Daisy、Carrie、Elaine
$8換$238大海石斑
酒家所推出的五星報喜特價菜,每晚5點半後每枱只要叫一碟正價小菜,就可以在五款特價菜中選其一。你或者會嫌蒸魚、烤鴨、乳豬好普通,不過賣$8真係大件夾抵食,尤其係乳豬、烤鴨較大隻,12人一齊分啱啱好。值得推介的是燜到肉腍而味道又恰到好處的羊腩煲。若以價錢而論,食大海石斑就最抵,原價$238一條,足足是三十分之一的價錢!
超肥!京都片皮鴨
超級肥大肉厚的片皮鴨,捲着青瓜、大葱及芝麻薄餅,食3件已覺飽滯。10人以上可免費享用一鴨兩食,即片皮後的鴨殼可以起絲炒西芹甘笋,或是斬件燜苦瓜。如人數不夠但又想兩食,就要另加$30。
$8/隻(7-9位一食、10位以上兩食)
(原價$88一食、$118兩食)
最抵食:清蒸大海石斑
每條大海石斑足兩斤重,肉質嫩滑。這道菜是眾多特價菜中價錢差距最大,會因人數不同而收費不一,2-3位每條$78,4-5位$58、6-8位$48、9-11位$28。
每條$8-$78/2斤(原價$238)
鴻運乳豬全體
脆乳豬件加甜醬一流。12人食$8。如果唔夠腳就要付$18,2-4位例牌、5-8位半隻、9-11位全隻。
每隻$8-$18(原價$160)
西蘭花蝦球帶子
依人數不同而價格不同,除12人以上可享$8吃一碟大,2-11位就要付$18,菜的size就分為例牌、中及大三種。
每份$8-$18(原價$80)
日賣50煲:客家羊腩煲
以乾燜方法,用較少汁醬來燜羊腩,柱侯醬把羊腩煲燜得極腍,一咬即散,難怪每晚賣出50煲。如果要加生菜就要另加$28。
每煲$8(原價$68)
九點後小菜半價
逢星期一至五晚上九時後入座,部份菜式更有半價優惠,最平的如魚香茄子煲只售$19,最貴的碧綠珊瑚帶子亦只係$40,選擇多多。
辣得惹味:晶苑小炒皇
集所有材料於一身,包括帶子、蝦仁、斑塊、菜脯、腰果、西芹,用辣辣的豆瓣醬好惹味,所以最受食客歡迎,每晚賣超過40碟。
半價$25(原價$50)
試食兵團話……
晶苑金閣酒家
地址:將軍澳唐德街1號
將軍澳廣場1樓104舖
電話:27793888
時間:每日6:30am-12:00mn