Twins的蔡卓妍（阿Sa）早前為卡通片《四眼雞丁》聲演醜小鴨，片中造型不但形態醜陋，連聲音亦要衰過人，食正近期的醜女潮。阿Sa更考慮請緋聞男友鄭中基捧場，實行要對方見識自己最醜的一面。
蔡卓妍早前為聖誕檔卡通片《四眼雞丁》聲演醜鴨鴨比一角，與自己有份主演的《情癲大聖》打對台，片中醜鴨的造型及聲線，更配合近期的醜女潮。
阿Sa表示為演出醜聲刻意要粗聲粗氣，她說：「好在套卡通一日就配晒，把聲唔使咁辛苦。」
有份參與配音的更有DJ少爺占及導演谷德昭，阿Sa笑言幸好分開配音，不用與谷德昭及少爺占一起錄音，否則一定給他們逗笑而影響進度。
片中阿Sa的鴨比暗戀主角的雞丁少爺占，在現實中阿Sa亦曾有暗戀對象，她說：「都唔算暗戀嘅，知佢對我都有意思。每日大家會借啲意就啱時間等小巴，佢就會買定支益力多畀我。如果見唔到面，佢就會將支益力多放喺我櫃桶。」
「甜蜜又害羞」
阿Sa表示雖然大家沒有單獨約會，但暗戀的感覺既甜蜜又害羞。對於會否請緋聞男朋友欣賞自己醜陋的一面，她笑說：「問到我攞飛嘅都會考慮請，但總之就唔會一齊睇囉。」而她最主要派飛對象會是一班表弟妹。
採訪：何永寧攝影：仇志德
場地提供：HarbourPlazaHongKong
化妝：AndyLeung髮型：Daniel@Ching
服裝提供：SistyrMoon
