年尾特別多活動，唔少公司高層都頻頻亮相，好似Yahoo香港區總經理蔡寶德（圖）咁，華華三日見佢兩面，一次係佢公司自己嘅頒獎活動，另一次就係佢生意夥伴兼舊公司IBM嘅活動。
蔡德寶同華華講，自從寬頻普及之後，愈來愈多廣告商揀喺網上賣廣告，所以預期喺未來3年，網上廣告嘅商機好大，家吓佢哋65%嘅收入，就係來自廣告，其他如拍賣同埋網上商貿就佔三成幾。
至於員工最關心嘅加人工及分花紅，蔡總拍晒心口一定有咁話，𠵱家公司有120名員工，來年各部門都會繼續增聘人手，同時會重點擴大搜尋器嘅功能。咁又係嘅，Google近來氣勢如虹，Yahoo又點可以落後於人。