今個夏天，韓國藝員文根英喺廣告中着住天藍色、格紋夏季嘅校服練瑜伽，旋即成為韓國多間中學指定選購嘅款式。韓國學生真幸福，政府規定學生喺就讀中學，返學必須穿着校服，但又為免學生對校服嘅款式感到厭悶，規定學校每年都可更新校服款式。聽講，南韓嘅校服生產企業，為咗強攻呢個市場，紛紛搵明星或名人大賣校服廣告，果然奏效。