劉鎮偉與周星馳合作《西遊記》後，相隔十年，他再執導新片《情癲大聖》，由謝霆鋒演繹唐三藏的愛情故事，劉鎮偉略嫌霆鋒經常流露出迷人眼神，鋒芒過露。
劉鎮偉執導、謝霆鋒與蔡卓妍主演的《情癲大聖》於下周四的聖誕檔期推出，該片花了大筆製作費搞CG特技場面，單是做一隻飛船，劉鎮偉就要求工作人員必須提供一些新意念給他，可惜始終未達到劉鎮偉要求。
最後劉鎮偉在一些珠寶書中，得到新靈感，他要求製作人員將飛船設計成寶石狀，讓觀眾留下較深刻印象。劉鎮偉日前接受訪問說：「如果講拍特技場面，我哋好難同外國片比較，我一定要喺創意方面求突破。」
認識劉鎮偉的人都知道他是連上網都不會的導演，為何會突然興起開拍特技片？劉鎮偉解釋說：「我唔識電腦，但我可以請人嚟做，冇乜大影響。我十年前構思拍呢部戲時，已經有好多天馬行空嘅想法，但因為當時香港嘅拍戲技術未做到我嘅要求，所以部戲先至要隔咁耐先拍，𠵱家可以用CG幫手，當然可以做出我嘅理想效果啦！」
迫霆鋒收斂
今次找謝霆鋒演唐三藏一角，劉鎮偉說：「佢做年輕版嘅唐三藏幾適合，佢喺現場好乖，表現好專業，只不過佢做戲時，成日流露出好迷人的神情，我一見到就叫NG，NG到佢怕，佢就會收吓。原本下一部戲我想同英皇開拍《銀河公主》，但英皇計過條數，話計唔掂條數，部戲又擱置咗。咁完咗呢部戲後，我會先返加拿大休息，見吓啲屋企人，因為我都離開咗加拿大好長時間，真係想好好休息一段時間，先至諗下部戲再拍乜嘢。」
採訪：陳月媚
