雖然離西方情人節重有兩個月，唔少人已經開始張羅情人節禮物。鮮花雖然靚，不過好快會謝；人工花唔會謝，不過又太假；鍍金玫瑰又點呢？佢採用特殊工藝將鮮花鍍上黃金或白金，既可以保持天然玫瑰嘅美態，又唔會謝。一支售價三、四百蚊人民幣不等，𠵱家金價大升，就算買嚟保值亦係唔錯嘅選擇。