Krusty於聖誕節期間將會與唱片公司的同事舉行派對，二人打算到時以灰姑娘示人。Krusty更希望在派對遇上英俊高大的王子，實現美好的夢想。
二人女子組合Krusty早前應「迪士尼樂園奇妙世界」邀請作宣傳，二人更到樂園一間以公主系列為主題的商店挑選聖誕禮物，而無獨有偶張詠恩（Jan）及活己嵐都鍾情於灰姑娘這個人物。
渴望回禮
Krusty將會於聖誕佳節與一班唱片公司同事舉行派對，而各人都要花心思以特別的造型到場，所以她們決定扮演灰姑娘姊妹花，希望到時齊齊於派對遇上高大英俊的王子。
二人當日於商店內選購了多份聖誕禮物送給同事，當中有文具、公仔和銀包等，她們表示選擇這些禮物是有陰謀的，阿Jan笑言：「其實今次我哋揀Cinderella（灰姑娘）嘅禮物一來係自己鍾意，二來當啲男同事收到嘅時候，我就博佢哋話呢啲禮物都係啱女仔多啲，之後就送番畀我哋，咁到時人哋會送禮物畀我，我又可以收番我送畀人份禮物。」
傾慕神仙
阿嵐表示自小對灰姑娘這個角色都十分喜愛，她最想遇上神仙為她變出各式各樣的物件，她說：「細個睇完灰姑娘個古仔覺得個神仙好犀利，只要用支魔術捧揮一揮就變到南瓜車同靚衫出嚟，如果我見到佢一定會叫佢將成屋啲嘢變晒玩具，之後重要幫我變走晒啲功課。」
採訪：李珮洳
攝影：何國豪
髮型：JatcoLeung
化妝：RaymondYip