陳霽平十二歲到紐約讀書時，曾獲女同學邀請出席家中舉行的睡衣派對。但當年家教甚嚴的陳媽媽為怕女兒發生危險，故極力阻止，令陳霽平傷心痛哭了足足一個星期。
雖然今年聖誕陳霽平要趕拍無綫新劇《鳳凰四重奏》，估計平安夜和聖誕當日也無暇慶祝，但陳霽平並未因而感到掃興，因為在她心目中已擁有不少美好的聖誕回憶。
陳霽平說：「我十二歲嗰年去咗美國紐約讀書，第一次過白色聖誕，嗰種興奮嘅心情，到𠵱家都重記得。每到聖誕節，家家戶戶都一定會將屋企布置一番，周圍都會感覺到好強烈嘅聖誕氣氛。」
抽籤交換禮物
除了過白色聖誕外，讀書的聖誕遊戲亦叫陳霽平回味無窮，陳霽平說：「外國學生好興成班同學將自己個名，寫喺紙上邊互相抽籤，抽到邊個同學嘅話，就喺聖誕前十日開始，每日送不同嘅聖誕禮物畀對方，將啲禮物靜靜雞放喺對方學校儲物櫃度，等到聖誕節嗰日，成班同學就會聚埋一齊，大家憑收到嘅禮物估吓係邊個送嘅。」
不過，在過去的日子中，也有令陳霽平傷心落淚的聖誕回憶。陳霽平說：「我初初去美國讀書，有女同學請我去佢屋企開睡衣派對，聖誕節有同學請我去party，梗係開心啦！但當年屋企管教好嚴，媽咪擔心我去呢啲party會有危險，所以唔准我去，我好唔開心，喊足一個星期。直到我十五、六歲嗰陣，個人比較定性，媽咪先至批准我出席呢啲party。」
採訪：戴彩煥 攝影：葉君海
髮型：ZapTangbyChin.G
場地：奧海城
