馮德倫日前在中環為無綫執導節目《老馮日記》，當晚邀請了王敏德客串演出，不過王敏德似乎還未開餐，所以私自從咖啡店的零食架取出一包薯片拆開來吃，看來飢腸轆轆，導演馮德倫見狀十分識做，即命工作人員買了著名的魚片頭給他醫肚。
馮德倫為無綫執導兼主演的節目《老馮日記》，日前在中環蘭桂坊一連鎖咖啡店開工拍外景，並邀請了好友王敏德任嘉賓客串演出。
津津有味
當晚十一時許，王敏德在咖啡店內等候埋位，而咖啡店則繼續營業，只見王敏德在咖啡店內來回踱步，最後私自從零食架上取出一包薯片拆開來吃，而且狀甚肚餓，似乎當晚未用膳。身為導演的馮德倫見狀，即時叫工作人員買了幾碗粉麵回來，讓王敏德大快朵頤，只見他吃得津津有味，導演兼好友馮德倫則陪伴在側。
事後致電馮德倫問當晚的拍攝情況，馮德倫說：「當日係拍攝《老馮日記》，但詳情則唔可以透露，不過戲入面嘅角色個個都係做番自己，佢哋唔係演角色，而嗰晚都只係普通嘅文戲。」
三月煞科
再問馮德倫當晚王敏德看來飢腸轆轆，馮德倫聞言後即笑說：「所以我即刻叫人去翠華買出名嘅魚片頭畀佢食，佢係鬼佬嚟，原來嗰日佢都係第一次食魚片頭，我重同佢介紹咖喱牛腩都好正，佢話會去試吓。」提到此節目會何時播出，馮德倫說：「我會三月交片畀無綫，而節目有十二集。」
採訪：楊潔雯
攝影：陳志嵐
