攝影師葉青霖為了協助泰國宣傳海嘯後的旅遊業，早前邀請徒弟、近日和梁榮忠車廂激吻而為人熟識的朱慧敏前往泰國布吉，拍下多輯三點式泳衣照。朱慧敏表示穿三點式是為了配合環境、題材，絕對不是刻意賣弄性感。
去年聖誕泰國布吉受到海嘯的侵襲，旅遊業大受打擊，經過半年時間、泰國人努力重建之後，布吉以嶄新的面貌迎接來自世界各地的旅客。
合作愉快獲收為徒
攝影師葉青霖為了協助宣傳重建後的泰國布吉，邀請了女徒弟朱慧敏擔任模特兒，用靚人靚景作招徠，希望振興當地的旅遊業。朱慧敏說：「葉生邀請我去泰國之前，我哋喺《江山如畫張家界》度合作過，由於合作得非常開心，所以之後佢收咗我做徒弟，呢次佢邀請我去布吉，幫手宣傳旅遊業，去到布吉，見到好多地方都回復原狀，好似以前咁靚，當地人亦都好親切。」
配合宣傳奉旨性感
朱慧敏九月初到布吉，逗留了五日，不停拍照，陽光與海灘，再加上三點式泳衣，一看便令人心曠神怡。
一向着重藝員形象的無綫曾因朱慧敏跟梁榮忠車廂激吻一事，而短暫雪藏朱，對於拍攝如此性感的照片，朱慧敏就說：「公司都知道我影呢啲相，加上呢個唔係一個job，係無錢嘅。去泰國都係陽光與海灘，唔係要走性感路線，係為咗配合環境同宣傳，最緊要係我相信葉生嘅攝影技術，啲相會影得好健康。」
撰文：楊潔雯
