昨日兩隻新股雅居樂（3383）同華鼎（3398）掛牌，雅居樂最高見過4.20元，由於認購者人人有份，雖然分得少，但總算皆大歡喜。
另外，早排被證券行調低盈利預測的福田實業（420），噚日公布截至今年8月全年業績，真係一如所料盈利下降，只有1.62億元，降9.83％，但好彩重有股息7仙派。
經紀黃話，查實福田一早講明，下半年業績表現好過上半年好多，重話以前買落嘅貴棉花已經用晒，估計來年成本會下降，而業績應該有改善。有芬佬早排亦話過，福田已度過最差時間，而且重一直密密收集，大股東早前亦有增持行動，表明有信心。
福田股價由5元樓上高位跌落嚟，最低見過2.85元，呢排就喺3元樓上浮沉，昨日跌2.11％，收3.475元，比起證券行所定的目標價重有一大段距離，現水平諗得過。
慕容小初