梁洛施（Isabella）今個聖誕夜出席新城頒獎禮後，會即乘夜船回澳門趕做聖誕老人，向母親送鑽石，她笑言拍拖浪費時間兼阻住地球轉，寧購一見鍾情的冷血鬆獅蜥作伴。
梁洛施在聖誕夜將出席新城電台頒獎禮，雖然要在工作中過節，不過完騷之後，已計劃馬上趕搭夜船返澳門，與家人同度溫馨佳節。
欲買寵物蜥蜴
雖然臨近年尾工作多多，但Isabella亦會抽時間選購禮物送贈家人，日前她在尖沙嘴接受訪問時說：「我會買禮物畀兩個姨甥女，帶佢哋行百貨公司同玩具城，重會同家姐夾錢買嘢畀媽咪，買啲鑽石畀佢，我舊年送咗鑽石戒指，今年可能會送鑽石頸鏈，媽咪好鍾意鑽石，我覺得最緊要靚，唔係講幾大粒嘅。」
問Isabella會否買禮物自我獎賞？她即鬼馬地說：「希望買到嗰隻鬆獅蜥啦，我上次睇到好鍾意，好想買佢返屋企，係驚媽咪唔畀，佢話始終係冷血動物喎。」
拍拖浪費時間
Isabella又稱聖誕願望是身體健康，包括她與家人都平平安安，問她會否希望早日拍拖？她卻斷然說：「咦，唔好！阻住地球轉，浪費我啲時間，其實唔係話好抗拒，只係覺得唔係太重要，我鍾意同屋企人過節日，唔鍾意同男朋友過。」
Isabella表示她根本沒有結交男朋友的機會，她笑說：「識幕後會容易啲，幕前就真係差啲啦，都冇人追，我成日都賴喺屋企，做完嘢就返去瞓。」
採訪：朱倬誼
攝影：仇志德
服裝：JellynVanilla（Cantonyama）
場地：HarbourCity
