名模樂基兒日前公然踩入黎宅，為新男友黎明賀牛一，前晚她又到中環IFC商場，趁時裝店減價瘋狂掃貨，一於提早置裝，扮到靚準備與黎明共度拍拖後的首個浪漫聖誕。
模特兒樂基兒日前公然踩入黎明豪宅，獻上兩個大氣球為對方賀牛一，情侶關係即浮上面。
興高采烈試衫
蜜運中的樂基兒前晚約同一女伴齊到中環IFC商場，到ZARA時裝店悉心選購女裝，一於扮到靚與黎明同迎拍拖後的首個浪漫聖誕佳節。
前晚七時左右，身穿白褸及長褲、薄施脂粉的樂基兒與女伴齊於IFC商場逛街，當時她手上已挽着PatriziaPepe的紙袋，顯然剛購下該牌子的貨品，但仍意猶未盡，趁聖誕減價繼續掃貨，再到商場內的ZARA揀女裝。
現場所見，樂基兒與同行女伴均曾拿着大堆衫褲進入試身室，之後她又試褸，結果二人都有斬獲，各自買了一大袋衣物。
雖則樂基兒因工作關係經常試衫，不過買衫時依然興高采烈，與友人有講有笑，不停交流女人shopping經，到揀啱心水服裝，便逕自到收銀處以信用卡付款。
捧戰利品返家
掃貨完畢，樂基兒與女伴於商場內分道揚鑣，她則獨個兒拿着兩袋戰利品步往的士站登車離去，但樂基兒未有直接到訪男友樂景園豪宅，只返抵其位於羅便臣道的香閨。
採訪、攝影：娛樂突發組
