港股繼續在窄幅內爭持，恒指一度下跌74點，但午後反升，以近全日高位收市，升33點，報14976，成交略增。
港股未脫上落市格局，但噚日滙控（005）突有強勢表現，高收125.40元，升0.70元，若能破位而上，可望成為帶動大市造好嘅火車頭，初步向15200水平進發。
短期走勢：10月中開始，滙控由119元回升，到125.90元後出現調整，形成上升三角形，一升破125.50元阻力，照度上去，上升目標係132.50元。
中期走勢：8月中起，形成複式頭肩底，頸線約126元，若升破，目標133元。
長期走勢：04年11月開始，形成一個大型徘徊區，下降軌126元，短期若有大成交破位而上，長達1年的中期調整完成，初步目標135元，中線可見145元。
中線可見145元
滙控走勢已進入關鍵時刻，只要升破126元（一定要有大成交支持），就會打破長達1年的牛皮悶局，輪到佢發威。
滙控最近發表年度業績年結前報告，第3季業務持續增長，而多家大行亦看好滙控前景，建議買入。
高盛證券指滙控在月初發表業績前報告，確認對盈利及股價有正面作用，維持「優於大市」評級，目標價138元。高盛指滙控報告降低了數個因素的關注程度，包括英國信貸成本有回穩迹象，美國消費融資保持動力，以及投資銀行成本開支減少。
摩根大通亦指出，滙控報告顯示整體發展較以往更樂觀，正面因素多於負面因素，維持「增持」評級，目標價144元。摩通指滙控各項業務稅前盈利有增長，亞洲區業務表現強勁，中東更見突出，英美信貸質素亦有改善趨勢。另外，大和總研指滙控高層調動，不會令策略出現重大轉變，維持「買入」評級，目標價149元。
領匯（823）畀TCI睇中，上市後股價升勢就未有停過，噚日又創出新高，上到15元水平，呢個價，喺領匯上市前，有邊個估得到？不過，噚日見到啲大冧巴重係好積極咁收集，聽聞有關人等重會有後着，重話領匯好快會見到16至17元。
郭兆誠