又加息，農曆年前樓市唔慌旺得去邊，為咗維持業績，各大區頭各師各法，美聯布少明上個月底墊資兩萬，搞新界區爆數獎，以今個月頭十一日條數嚟計，結果九肚山分行囊括三項，獎金唔多，只係三千五，不過，淡市都搵到錢，意義幾大。 至於中原，新界區兩大老頂王浩聰同阮錫章，喺回顧展望樓市記者會上，出動聖誕大蛋糕，唱好明年樓市。