有日MSN收到message，來自台灣波鞋網站www.kenlu.net（勘履者）嘅網主EDtrigger話佢會響十二月三日，喺台灣搞一個「占士大帝」波鞋展，需要小弟借出珍藏。我立刻反建議與其借來借去，不如出多幾百蚊請埋我去，十分鐘後贊助商話OK，於是立刻成行！
明星賽ZL3最特別
帶住十幾對特別版鞋去台灣，初時以為自己好巴閉，去到先知自己嘅所謂珍藏只係一般貨色；主辦單位用特殊途徑班到好多冇出街嘅試辦，同嚟緊ZL3的嘅所有顏色。其中最特別嘅紅白色，重用雷射刻咗侯斯頓地圖係鞋身，聽講係畀占士打出年侯斯頓明星賽的專用版本。
呢個旅程雖然又趕又攰，但真係大開眼界；其中會場揀選HOOTERS，簡直一絕（入面全部女侍應都係着背心熱褲），能夠赴會，真係要感謝勘履者同一剔台灣。（大家如有興趣睇更多圖片，可以去勘履者嘅網址www.kenlu.net。）
