收藏不少明式家具嘅葉承耀醫生，噚日去咗一間小學度介紹黃花梨木家具，全場有百幾二百個小學生，大部份都好留心咁聽。不過八方後來問番佢哋有冇對明式家具有進一步嘅認識，就個個小學生都耍手擰頭。但係葉醫生都預咗佢哋唔會完全明晒，只係當上吓通識教育堂咁啫。
葉醫生話，早幾年賣咗成四十件明式家具，賺咗二百五十萬美金；不過佢之後好後悔，又使咗唔少錢先買得番其中兩件，佢話以後都唔會賣佢啲珍藏喇。唔講唔知，原來早幾年董太有問過葉醫生借啲古董家具放喺禮賓府，用嚟招呼江澤民，江澤民重對葉醫生嘅家具讚不絕口㖭；連中央領導都大讚，唔怪得之葉醫生話以後都唔再賣啦。
爆料熱線：29290000、27860099
報料傳真：26239278
報料電郵：[email protected]