傅明憲（GiGi）家中飼養了五頭北京狗，日前她帶着兩頭愛犬比目魚和西蘭花，到大埔出席香港愛護動物協會舉辦的講座，教導小學生做個負責任小主人。GiGi更踢爆做了狗醫生五年的比目魚是名副其實的媾女王，喜歡親近年輕狗女。
傅明憲（GiGi）公認是愛犬之人，家中飼養了五頭北京狗，還為牠們起了跟食物有關的有趣名字。
日前GiGi帶同兩頭小狗比目魚和西蘭花，到大埔天主教聖母聖心小學，出席由香港愛護動物協會舉辦的講座，教導小朋友如何愛護動物。
身為香港愛護動物協會會長的GiGi大談如何做個負責任的主人，當她知道很多小學生未接觸過小狗時，即讓小朋友跟愛犬玩，又教他們怎樣觸摸狗兒。
為爭寵打大交
及後GiGi和小學生影大合照時，小朋友均甚為興奮，並群情洶湧地逗玩GiGi的愛犬，頓時令GiGi和狗兒淹沒在人海中，場面搞笑。
GiGi坦言五頭愛犬不時為爭寵大打出手，她說：「佢哋好多時先口角，跟住就會動武，佢哋多數都係因為想爭住坐喺我隔籬先會呷醋，其實佢哋都有唔同性格，好似人嘅縮影一樣，所以會有貪靚、貪心、貪食等人性嘅本色，但平日佢哋都會和平共處㗎。」
見狗女眼發光
GiGi及後滔滔不絕大談愛犬趣事，還踢爆狗醫生比目魚是名副其實的媾女王，她說：「比目魚做咗狗醫生五年，一直都好鍾意social，有次我帶佢同西蘭花去個狗party，平日佢哋兩個感情都好好㗎，點知嗰日比目魚一見到其他狗女即時雙眼發光，重要係見到年紀愈輕嘅狗女就愈開心同興奮，簡直係心花怒放，完全冇理到西蘭花，搞到西蘭花好悶咁坐冷板櫈，我見到都覺得好搞笑。」
採訪、攝影：駱華齡
