眾歌手昨日出席《2005年度十大勁歌金曲頒獎典禮》記招，上年被劉德華奪去最受歡迎男歌手獎的李克勤，被問到有沒有信心重奪此獎時，他即指對方是樂壇龍頭大佬，華仔回應早已金盆洗手，不再是大佬。
劉德華、李克勤、楊千嬅、何韻詩、關智斌與衞蘭等數十名歌手，昨日出席在尖沙嘴舉行的《2005年度十大勁歌金曲頒獎典禮》記者會，一眾歌手上台說出「公益金Live大不同組合大獎」的心水組合，華仔與克勤站在台上的正中位置，盡顯地位。
克勤自認黑馬
華仔去年從克勤手上奪去最受歡迎男歌手獎，問到克勤今年有沒有信心重奪此獎？克勤坦言：「每年只有華仔喺人哋身上攞到嘢，從來冇人喺佢身上攞到啲乜，好有難度，佢係一個內功深厚嘅武林高手，佢係白馬，我係黑馬，佢重要係樂壇嘅龍頭大佬，如果佢唔出席頒獎禮會好失色。」
對於被指是龍頭大佬，華仔自嘲說：「吓！我只不過係二打六啫，幫我同克勤講我冇做大佬好耐，已經金盆洗手。」說到金盆洗手，是否另有含意？華仔即澄清：「唔係！講笑啫。」對於能否再奪男歌手獎，華仔表示順其自然。
「你估插秧咩」
早前有報道指千嬅與阿詩互數不是，但昨日二人卻顯得異常老友，千嬅說：「我對呢啲新聞已經冇乜知覺，話我哋互插，你估插秧咩，咁多是非我應該代表香港去參加世貿反映吓。」
採訪：胡比、王連連
攝影：林德雄
