香港興業查懋成係攝影發燒友，間唔中都會見佢攞住相機影相。早兩個月，佢同朋友去四川旅遊，秀麗嘅風景自然成為拍攝對象，佢就地取材，影咗唔少風景及人物相，水準拍得住專業攝影師。 有咁靚嘅相，唔好浪費，興業明年月曆，統統用上呢批作品做插頁相，一改以往例用愉景灣或旗下物業相硬銷。聽講，查懋成好鍾意其中一張充滿層次感嘅風景相，話日日對住張相，都唔厭。