手足情深，不因時間而改變，家吓有辦你睇。年屆七十嘅細佬，為咗方便八十歲嘅阿哥返工，一擲千三萬，買入尖沙嘴嘉文花園單位畀阿哥住。
港置吳炤賢話，細佬見住尖沙嘴舊樓嘅阿哥，每日都要上落樓梯，年紀咁大好辛苦，但阿哥掛住做嘢，冇時間買樓搬，所以親自睇樓，喺阿哥工作地點附近，睇咗個多月，揀啱嘉文一座中層A，一次過畀一千二百八十萬，買畀阿哥同阿嫂。
聽講，細佬喺外國有好多生意，留港時間唔多，而阿哥喺尖沙嘴做家族生意，兩兄弟都係叠水之人。
吳炤賢話，佢做咗好多coldcall，至搵到個合適單位，做成呢單交易。
電郵地址：[email protected]