李彩華雖與娛樂公司老闆蕭定一傳緋聞，但依然見一個愛一個，日前她自爆拍攝劇集《阿有正傳》時，與拍檔張衞健戲假情真，當正對方是男朋友。
李彩華與娛樂公司老闆蕭定一的緋聞傳了多時，近期她籌備下月推出的新碟，交由蕭定一所開的「一席好聽」唱片公司製作及宣傳，日前李彩華在中環接受訪問時揚言不擔心因而令緋聞傳得更盛。
李彩華說：「都唔驚，做嘢啫，唔係呢間出就係第二間㗎啦，既然之前大家都有合作過，做生不如做熟啦！」
聖誕卡贈蕭定一
聖誕將至，未知李彩華會否送禮物給蕭定一答謝對方？她笑說：「係每一個都會，今次為張碟出過力嘅同事，我都會買禮物多謝人，都要買成幾十份，我未諗買乜畀佢（蕭定一），佢乜都有啦，或者到時畫張聖誕卡送畀佢。」問李彩華會否趁聖誕許願盡快有拖拍？她即哈哈笑說：「反而冇，平日拍嘢當係㗎啦，嗰啲幾好吖，唔使負責任。」
李彩華自言每次拍劇因太投入角色，對男拍檔確是見一個愛一個，正如早前她在內地拍攝劇集《阿有正傳》，在開拍的兩個多月時間內，與對手張衞健竟戲假情真，李彩華說：「投入做戲係咁㗎啦，但拍完抽離到嘅，嗰時同Dicky（張衞健）拍嘢，係愛㗎，放食飯時，食飯盒都要坐佢對面撐枱腳，拍緊劇嗰段時間，收咗工都會有啲心掛掛，拍完之後就冇事，都過咗咯！」
難道李彩華不擔心健仔女友張茜呷醋？她說：「又唔係真，大家相親相愛、和睦共處，OK嘅，講得出嚟就唔會有嘢啦，Dicky係一個好好嘅大哥哥。」
拍戲一定有Feel
當時健仔對李彩華有沒有feel？她說：「佢都唔會講出嚟，但拍戲一定會係有啲，唔係觀眾都唔信服啦！」
