著名導演張藝謀最近榮升外父，佢二十三歲嘅獨生女張末早前喺美國嫁咗畀美國籍老公，張藝謀重專程飛去洛杉磯以主婚人嘅身份出席個女嘅婚禮，喺婚禮之後張藝謀重靜雞雞飛咗去邁阿密，探吓同佢好耐冇合作嘅舊情人鞏俐。
據知鞏俐當其時喺邁阿密拍緊《神探勇闖罪惡城》（《MiamiVice》），佢哋兩個久別重逢，一傾就幾個鐘，其間張藝謀重提到想開拍一套以武則天年代為背景嘅《秋日的回憶》，亦因為呢次嘅見面令佢哋落實再度合作。
再會鞏俐
張藝謀同鞏俐喺九六年拍完《搖呀搖，搖到外婆橋》之後分手，前年張末寫過一本書《我的父親母親》，書裏面提起鞏俐亦都顯得十分不快。𠵱家個女一結婚，張藝謀同鞏俐又見面、又傾合作，睇嚟佢兩個當初分手，有唔少壓力都係來自張藝謀個女！