【本報訊】左派繼續動員力挺政改方案，雖然接連有市民投訴指，有關簽名活動誤導，然而民建聯前主席曾鈺成，卻出言譏諷投訴市民水平低：「如果市民連簽名係支持定反對都唔知，你話佢哋成唔成熟（落實普選）？」
學者直斥無賴
曾鈺成稱，若市民簽錯名表態支持政府方案，會令人擔心日後市民投票會「搞亂曾鈺成同李柱銘」，令人質疑港人是否足夠成熟落實普選，這些市民的投訴只是「discredit（貶低）自己，唔係discredit我哋。」
理工大學應用社會科學系助理教授鍾劍華直斥，整個簽名活動「根本就係博懵」，一方面說支持政改、另一方面又說要邁向普選，分明是左右逢源，曾鈺成反過來批評市民不成熟是「無賴」，「香港人有冇成熟的政治文化其實好清楚，最唔成熟就係呢班人，阿爺話乜就話乜。呢啲人本身唔成熟，就唔好以為市民都好似佢哋一樣唔成熟。」
職工盟立法會議員李卓人透露，收到有中資機構的員工投訴，指近日收到署名「香港中國企業協會」的信件，要求他們簽名支持政府方案，因為政府方案符合民意、有助邁向普選。信件附上一張可以簽署三十個名的「關注政改大聯盟」簽名表格。他批評稱：「利用勞資關係嘅權力壓迫員工出賣政治權利，呢啲係不能饒恕！」
除中資機構外，東九龍的中產屋苑麗港城一、二及四期的業主委員會，也要求住戶就政改表態，透過問卷諮詢每名住戶「政府方案能否促進政制發展、社會安定繁榮及經濟穩步向前？」業委會成員孫先生批評，大部份業委會成員立場雖然親政府，但過往沒有要求住客就政治問題表態，但這次向住戶發問卷並不尋常，令住客擔心若不支持政府會否有後果。