屯門市廣場係新界西北最旺丁旺財嘅大商場，亦係每年商場搞節日推廣活動中焦點之一，信置屯門市廣場首席總經理陳欽玲話，今年聖誕，布置推廣花費八百萬，多舊年一半。 佢有信心推高假日人流一成，到三十三萬，令租戶生意增兩成。 今個禮拜六，請到藝人譚詠麟搞簽名會，禮拜日就有容祖兒，實行樂壇老中青fans通殺。另有芬蘭聖誕老人派禮物、巡遊表演、少林功夫表演等等。