昨日掛牌的奕達國際（2662），終於打破近排新股首日必升的慣例，收市價2.25元，比起招股價2.30元低2.22%，成交1.28億股，金額2.95億元。
經紀黃話，奕達招股之時，芬佬評價唔差，可惜臨上市前爆單官司出嚟，所以潛水唔出奇。
不過，奕達只係個別事件，今日掛牌的雅居樂（3383）同華鼎（3398）表現應該唔差，相信抽到貨嘅投資者，可以有錢賺。
另外，勤+緣（2366）今日公布全年業績。經紀黃話，聽聞業績應該幾靚仔，公司股價由年頭至今升近1倍，唔會冇理由。
勤+緣年喺大陸搞電視劇同廣告媒體，年頭股價企喺1.10元附近，年中時突然炒上至2元，跟住按每股1.83元，搞咗次先舊後新配股，之後股價在1.80元附近橫行，近排股價明顯回升至2元水平，主要就係憧憬業績盈利增長佳之故。查實公司往績PE只係13倍，市場估計出完業績後會降至約10倍，由於預期業務增長迅速，計落亦吸引。
慕容小初