陳太政治動向惹人揣測，唔少政界中人發牙痕時，自告奮勇為陳太安排出路，一旦唔做特首都可以繼續發光發熱。
其中涂謹申話，以陳太喺國際聲望，北京大可委任佢做中國人權特使，由陳太幫口唱好北京，咁既可收服陳太，又可為中國改善形象，重有收買香港人心，總之一石多鳥。
阿涂真係比較天真，北京就肯定冇佢咁開明，唔怪得佢會話有二○一七方案。八方聽聞達仔都成日有中間人搵佢問長問短，佢都煩死，最後決定盡量少見，因為冇理由個個都可以直達天庭，為副主席曾慶紅收料。
咁又係，個個省市嘅研究同對外單位都派人嚟摸底，一個民主黨真係分身不暇，45條關注組嘅四大狀成日要求，中方派啲真正對口單位如港澳辦或者中聯辦嘅官嚟對話，否則對住啲所謂學者同幹部講完一次又一次，浪費晒啲光陰。
爆料熱線：29290000、27860099
報料傳真：26239278
報料電郵：[email protected]