連天台盤一向唔多，成交自然亦少，沙田欣廷軒數埋全年，都係得三宗。 世紀二十一梁松光話，最新一宗係二座D，五百三十呎，造二百三十六萬，每呎逾四千四，高市價一成一，果然物以罕為貴。業主揸五年，賺五十四萬。 若果嫌欣廷軒貴，亦有其他選擇，坪洲永隆街有件連天台，重可以相連，兩戶共九百四十五呎，只賣八十八萬。