黃耀明、墨西哥演員GaelGarciaBernal和非洲歌手AngeliqueKidjo，昨日在舉行世貿部長級會議的灣仔示威區開記者會、演短劇及參與遊行，身體力行支持貧窮的農民。
世貿香港會議昨日在灣仔會展舉行，身為樂施會「貿易要公平」大使的黃耀明，聯同墨西哥演員GaelGarciaBernal和非洲歌手AngeliqueKidjo，在會展附近的示威區舉行記者會，以短劇形式諷刺發達國家威脅貧困國家農民的生計。
已遞交請願信
明哥亦有參與示威遊行，他強調支持人們表達意見，但反對用暴力，他說：「今次呢個活動好新鮮，係一個好有創意同好有建設性嘅示威，示威並唔代表一定暴力。噚日我哋已經交咗簽名信，希望各國開會時，真係好好哋喺桌上傾，為貧窮農民做啲嘢。」
對於今次世貿會議，各界大為緊張，恐發生暴力事件，但明哥親身到現場時並不緊張，他說：「我唔擔心有乜事，睇𠵱家情況都唔錯呀。星期日嗰個示威，反而好似嘉年華會。」若會議結果未如理想，他們可會有進一步行動？明哥說：「呢啲見步行步，有乜需要會幫手嘅。我平時去買嘢都會睇件貨品嘅資料，盡量會揀fairtradeproduct（公平貿易產品）先買。」
任達華勸自強
另外，任達華亦很留意世貿會議，他昨日說：「我好支持開呢個會議，亦好同情一啲落後國家嘅農民，佢哋辛勤耕種，好多時往往俾一啲西方富強嘅國家剝奪利益，所以開世貿會議訂立一啲合理條約係必須嘅，但每個國家最重要係自強，咁先唔會俾人蝦。」
採訪、攝影：王連連、比華利
