世貿期間揸車出街，遇到封路，左轉右轉，有時真係唔知去咗邊，有部汽車GPS就有啲希望喇，最近台灣品牌Mio推出A700型號，內置新一代GPS導航，及涵蓋全香港的地圖，重有埋中國200多個城市的地圖。
記者、攝影：陳偉林
對於駕車人士，最重要是那套內藏的SiRFStarIII高靈敏度隱蔽式天線，可在高廈林立的環境中接收衞星信號，較一般PDA內置GPS導航裝置更敏銳，而全方位3D及2D導航模式切換，方便駕駛者行車時觀看。其中的「路徑計劃」功能，重可預計途經的路線同距離，據知遲啲重會提供歐洲各地地圖，屆時外遊駕車都可以。
勁齊PDA功能
在產品的介紹會中，代理即場示範A700，佢內置PDA功能，重係一部三頻手機，有齊一般電話的配備，而新一代WindowsMobile5.0平台，內設USB1.1同步及藍芽V1.2傳輸模式，再具備130萬像素攝影功能，點玩都得。