成龍昨日往屯門探訪老人中心時，呼籲年輕人應該以心比心，關心老人。他又謂希望兒子祖名將來能有所成就，還叮囑工作時不能懶，否則連斗零身家也分不到。
成龍昨日往屯門探訪老人中心，他透露下星期四是龍爸爸的九十一歲生日，他說：「盡量關心自己嘅老人家，因為自己老咗都希望有人關心，爸爸鍾意做運動，得閒釣吓魚、遊吓埠，我都想好似佢咁無憂無慮，但都要睇Jaycee（祖名）爭唔爭氣。」
「唔好影衰我」
成龍續說：「我梗係希望佢超越我啦，但最緊要佢努力工作，唔可以懶，如果唔係斗零身家都攞唔到。」
此外，成龍日前接受商台錄音訪問，談及近年不停為內地學童籌款，他直認關心別人的子女多過自己兒子，因祖名未試過捱餓。至於近日祖名到雲南接拍姜文的電影，成龍說：「佢（祖名）十點返酒店，六點要拍戲，我開心到無倫，有人管佢。之前佢返香港兩日就話唔知去邊度玩，我同姜文講捉佢返去。」
成龍又透露曾告訴祖名可到夜總會體驗，但若發現有人食藥（毒品）時，要即時離開，他說：「若牽涉入內，報紙實會起題為『龍之子藏毒』，總之你唔好影衰我，大家都要負責。」
採訪、攝影：張俊銘
