商場競爭激烈，大業主要不斷搞活動，鷹君旺角地標商場朗豪坊，今日搵到「妙想天開四人幫」，身穿太空裝，進入五百呎玻璃艙內，做真人騷，住一排，日常生活任人睇。鷹君羅家瑞會主持拜神儀式。 鷹君喺宣傳時好搞嘢，將呢四個剃光頭嘅四人幫，變成馬槽出世嘅BB，淨係睇張相，都有去現場親眼睇吓嘅衝動。鷹君度出呢條橋，唔知係咪想配合番聖誕節嘅主題呢？ 另外，新地觀塘apm商場，向購物滿五百蚊嘅消費者，送法國及日本名家潮流插畫月曆。又有抽獎，大獎係SmartArtCar。