樓市牛皮，正好考驗炒家眼光。中原蔡創文話，炒家揸咗沙田希爾頓中心B座高層五號室九個月，以一百零四萬，將件貨賣咗畀另一個炒家，呎價近二千四。 單位極速完成交易，一個鐘之內搞掂，新炒家其實手頭上都揸咗唔少沙田市中心嘅樓，好似河畔花園同沙田第一城咁，見個市「𣲷𣲷哋」，咪諗住再執啲平貨㖭。至於原業主炒家，原來仍然有得賺，但只係執到四萬六千，半成唔夠。